Alimentchi ota mashinasi xatlangach, qarzining katta qismini birdaniga to‘ladi

Majburiy ijro byurosi axborot xizmatiga ko‘ra, kosonlik aliment to‘lovchi N.J. 2 nafar farzandining moddiy ta'minoti uchun 5 oydan buyon aliment pulini to‘lamasdan kelgan. Ogohlantirishlarga qaramasdan qarzdorlik bartaraf etilmagandan so‘ng qarzdorning boshqaruvidagi GENTRA avtomobili Majburiy ijro byurosining Koson tuman bo‘limi davlat ijrochilari tomonidan xatlab olinadi.

«Kecha, 13 avgust kuni N.J. mashinasi xatlab olingan zahotiyoq 2 million so‘m aliment pulini to‘lab berdi. Bundan tashqari, qarzdor IIB YHXBning 2ta ma'muriy jarimasini ham bir vaqtda to‘lagan. Alimentdan qolgan 1 million 400 ming qarzdorlikni to‘lash uchun davlat ijrochisi tomonidan muddat berilgan», deyiladi MIBning Kun.uz’ga bergan xabarda.

Majburiy ijro byurosi aliment to‘lovchilardan bugungi murakkab vaziyatda farzandlarining moddiy ta'minoti uchun aliment to‘lovlarini kechiktirmaslik haqida eslatib o‘tdi.