Olimlar koronavirus muzlatilgan yeguliklarda saqlanishini isbotladilar

Singapurlik olimlar koronavirus muzlatilgan yeguliklarda ham kamida uch hafta davomida tirik saqlanib qolishini aniqladilar.

"Tadqiqotlarimiz natijasida SARS-CoV-2 virusi oziq-ovqat mahsulotlarini saqlash va tashish uchun standart muzlatishlarda qanchalik saqlanib qolishi o‘rganildi. Xususan tovuq go‘shti, baliq va boshqa turdagi go‘sht mahsulotlarini standart sovutish (-4 daraja) va standart muzlatish (-20 daraja) qo‘llangan holda 21 kun davomida tekshirish koronavirus tirik saqlanib qolishini ko‘rsatdi” – deyiladi xulosada.

Bu tadqiqot oziq-ovqat mahsulotlarini saqlash va yetkazib berish sohasi xodimlariga kasallik yuqish xavfi borligini bildirsa, muzlatilgan mahsulotlar orqali virus tarqalish ehtimoli yuqoriligini ham anglatadi.