Xo‘jalik yurituvchi sub'yekt va korxonalarda yangi lavozim joriy etiladi

Prezidentning “Ilm-fan sohasidagi davlat siyosati va innovatsion rivojlanishdagi davlat boshqaruvini yanada takomillashtirishga qaratilgan chora-tadbirlar to‘g‘risida”gi qarori loyihasi muhokama uchun joylashtirildi.

Xo‘jalik yurituvchi sub'yekt va korxonalarda innovatsiyalarni joriy qilish masalalari bo‘yicha rahbar o‘rinbosari lavozimini hamda Innovatsiyalarni joriy etish tuzilmalarini tashkil etish mo‘ljallanmoqda.

Ilm-fan sohasidagi davlat siyosati va innovatsion rivojlantirishdagi davlat boshqaruvini yanada takomillashtirishga qaratilgan chora-tadbirlar dasturiga ko‘ra, bunda innovatsiyalarni joriy qilish masalalari bo‘yicha rahbar o‘rinbosari lavozimi hamda innovatsion faoliyatni rivojlantirishga mas'ul bo‘linmaga nomzodlarni tanlash va tasdiqlash, innovatsiyalarni joriy qilish masalalari bo‘yicha rahbar o‘rinbosarlari hamda innovatsion faoliyatni rivojlantirishga mas'ul bo‘linmani yil yakunlari bo‘yicha amalga oshirgan ishlari to‘g‘risida hisobot kiritib borishni ta'minlash ko‘zda tutilgan.

Bajarish muddatlari - 2020 yil oktabr va 2020 yil dekabr. Mas'ul ijrochilar - Innovatsion rivojlanish vazirligi, Oliy va o‘rta maxsus ta'lim vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligi, tasarrufida ilmiy-tadqiqot va oliy ta'lim muassasalari mavjud bo‘lgan vazirlik va idoralar.