AQShda koronavirusga chalinish darajasi yuqoriligi sababi tushuntirildi

“Birinchidan, aholi juda faol, mamlakat ochiq. Pandemiyagacha mamlakatda katta miqdorda xalqaro aloqalar bo‘lgan va virus g‘arbiy sohilbo‘yiga ham, sharqiy sohilbo‘yiga ham, Nyu-York, Sietl, San-Fransiskoga ham olib kirilgan. Shu sababli epidemiya birdaniga bir nechta joyda boshlandi. Xitoy va Yevropada esa koronavirus tarqalishiga qarshi o‘zini yakkalash va ijtimoiy masofalashuvga rioya qilmaganlarning politsiya tomonidan ta'qib qilinishigacha juda qat'iy choralar kiritilgan. AQShda esa bunday bo‘lmagan”, deb aytib o‘tdi ekspert.  

Uning ta'kidlashicha, AQShda ayni vaqtda kasallanish darajasi pasayotgani kuzatilmoqda. Biroq har bir shtatda vaziyat turlicha. Misol uchun, Yangi Angliya, Nyu-York, Nyu-Gempshirda pandemiya ertaroq boshlangan va hozirda bu hududlarda vaziyat barqarorlashgan. Shu bilan birga, Kaliforniya, Florida va Texasda pandemiya endi boshlanmoqda. 

Jon Hopkins universitetining oxirgi ma'lumotlariga ko‘ra, AQShda ayni vaqtda koronavirusga chalinganlar soni 5,8 mln kishidan oshib ketgan, undan vafot etganlar soni 180 mingdan ko‘proqni tashkil qilmoqda. Eng ko‘p o‘lim holatlari Nyu-York (32 mingdan ko‘proq), Nyu-Jyersi (15 ming) va Kaliforniya (12 ming) shtatlarida qayd etilgan.