Farg‘onada 5000 dollar evaziga o‘qishga kiritib qo‘ymoqchi bo‘lgan shaxs ushlandi

Holat yuzasidan Jinoyat kodeksining 168 va 28, 211-moddasi bilan jinoyat ishi qo‘zg‘atildi.

Bosh prokuratura huzuridagi Departamentning Beshariq tumani bo‘limi va IIB xodimlari tomonidan tezkor tadbir o‘tkazilgan.

Mahkama xabariga ko‘ra, unda fuqaro Sh.T. firibgarlik yo‘li bilan daromad orttirish maqsadida fuqaro N.U.ning ishonchiga kirib, uni yuqori lavozimda ishlovchi tanishlari orqali Qo‘qon Davlat pedagogika institutiga o‘qishga kiritib qo‘yish evaziga 5 000 AQSh dollarini olgan vaqtida ashyoviy dalil bilan ushlangan.

Mazkur holat yuzasidan Sh.T.ga nisbatan Jinoyat kodeksining 168 va 28, 211-moddasi bilan jinoyat ishi qo‘zg‘atildi.

Bosh prokuratura ma'lumotida aytilishicha, hozirda tergov harakatlari o‘tkazilmoqda.