Iordaniya elchisi O‘zbekistondagi faoliyatini yakunlamoqda
Solih Ahmad al-Javarneh O‘zbekistonda samarali faoliyat yuritishida qulay sharoitlar yaratilgani uchun minnatdorlik bildirdi.
2020 yilning 18 sentabr kuni O‘zbekiston tashqi ishlar vaziri Abdulaziz Komilov mamlakatda diplomatik missiyasini yakunlayotgan Iordaniya Hoshimiylar podshohligining favqulodda va muxtor elchisi Solih Ahmad al-Javarnehni qabul qildi.
TIV xabariga ko‘ra, suhbat davomida siyosiy, savdo-iqtisodiy va madaniy-gumanitar sohalarda, shuningdek, BMT hamda Islom hamkorlik tashkiloti va boshqa tuzilmalar doirasidagi ikki tomonlama hamkorlikning holati hamda istiqbollari ko‘rib chiqildi.
Qayd etilganidek, iqtisodiy va investitsiyaviy aloqalarni faollashtirish, o‘zaro savdo hajmini oshirishga ustuvor ahamiyat qaratilmoqda. Xususan, tomonlar ikki davlat o‘rtasida Ishbilarmonlar qo‘shma kengashini tuzish bo‘yicha fikr almashdilar.
Uchrashuv yakunida vazir elchining O‘zbekiston va Iordaniya o‘rtasidagi ko‘p qirrali munosabatlarni izchil rivojlantirishga qo‘shgan shaxsiy hissasini yuqori baholadi.
Solih Ahmad al-Javarneh, o‘z navbatida, O‘zbekistonda samarali faoliyat yuritishida qulay sharoitlar yaratilgani uchun minnatdorlik bildirdi.
Mavzuga oid
18:05 / 20.09.2024
Iordaniya moxovni yenggan birinchi davlat deb tan olindi
08:30 / 20.09.2024
Qozog‘istonning O‘zbekistondagi elchisi “Do‘stlik” ordeni bilan mukofotlandi
00:03 / 18.09.2024
NATO bir necha oydan keyin Yaqin Sharqda byurosini ochadi
14:32 / 14.09.2024