Koronavirus O‘zbekistonda: Namanganda infeksiya tarqalishi tezlashdi

Rasmiy statistikada jami holatlar 52 mingdan ortdi: hozirgacha 52 259 kishida koronavirus aniqlanib, ulardan 48 606 nafari tuzalgan.

Qurbonlar soni kamida 5 nafarga ortib, SSV statistikasi bo‘yicha 438 nafarga yetdi.

Yangi holatlar (+619)

So‘nggi bir hafta ichida Namangan viloyatida koronavirusga chalinish holatlari sezilarli oshdi. 7 kunda jami 421 kishida kasallik aniqlandi. Birgina 21 sentyabrda 115 kishi COVID-19'ga chalingani ma'lum bo‘ldi.

• Toshkent shahri – 314
• Toshkent viloyatida – 131
• Namangan viloyati – 115
• Andijon viloyati – 20
• Jizzax viloyati – 12
• Qoraqalpog‘iston Respublikasi – 8
• Buxoro viloyati – 8
• Navoiy viloyati – 7
• Farg‘ona viloyati – 4

Tuzalganlar (+674)

Rasmiy ma'lumotlarga ko‘ra, O‘zbekistonda COVID-19 yuqtirib olgani tasdiqlangan bemorlarning 93 foizi tuzalib chiqqan.

• Toshkent shahri – 396
• Toshkent viloyati – 130
• Namangan viloyati – 85
• Jizzax viloyati – 30
• Andijon viloyati – 18
• Buxoro viloyati – 7
• Qoraqalpog‘iston Respublikasi – 4
• Farg‘ona viloyati – 4

O‘lim holatlari (+5)

Sog‘liqni saqlash vazirligi O‘zbekistonda koronavirus tarqalishi masalasida jamoatchilikka oqilona tarzda ma'lumot yetkazishda hamon oqsamoqda. Bugun vafot etgan beshinchi bemor haqida deyarli hech qanday ma'lumot berilmadi.

• Yunusobod tumanida yashagan 65 yoshli Z.Ch. (ayol)
• Shayhontohur tumanida yashagan 46 yoshli H.I. (erkak)
• Poytaxtlik 62 yoshli X.Sh. (erkak) (qaysi tumandan ekani ma'lum qilinmadi)
• Poytaxtlik 31 yoshli S.B. (erkak) (qaysi tumandan ekani ma'lum qilinmadi)
• Beshinchi qurbon haqida bevosita hech qanday ma'lumot berilmadi. Kun yakunida vafot etgan jami 5 kishidan 3 nafari erkak, 2 nafari ayol ekani aytildi, bundan u ayol kishi ekani anglashiladi. Shuningdek, statistikada Toshkent viloyatida qurbonlar soni bittaga ortganidan, u ayni shu hududda davolangani oydinlashadi.

Ayni paytda davolanayotgan 3 215 nafar bemordan 536 nafari og‘ir, 283 nafari esa o‘ta og‘ir ahvolda.