Sadir Japarov Qirg‘iziston bosh vaziri etib tasdiqlandi

Qirg‘iziston parlamenti Sadir Japarov boshchiligidagi vazirlar mahkamasining yangi tarkibini tasdiqladi. Bu haqda RIA Novosti xabar bermoqda.

 Xabarda aytilishicha, parlament yig‘ilishida yig‘ilganlarning barchasi Japarov nomzodi hamda u taklif etgan hukumat tarkibini yoqlab ovoz bergan.

 6 oktabr kuni parlament a'zolarining bir qismi bosh vazirlikka  Sadir Japarov nomzodini ma'qullab ovoz bergandi.

5 oktabr kuni Bishkekda hukumatni qo‘llab-quvvatlovchi ikki partiya g‘olib chiqqan parlament saylovlari natijalariga qarshi namoyishlar boshlandi. Namoyishlar tartibsizliklar va politsiya bilan to‘qnashuvlarga aylanib ketdi. Bir necha yuz kishi jarohat oldi, bir kishi halok bo‘ldi.

 9 oktabr kuni Qirg‘iziston prezidenti Sooronbay Jeenbekov Kubatbek Boronovni bosh vazir vazifasidan ozod qildi.