Afg‘onistonda terakt sodir bo‘ldi, qurbonlar bor
Hozircha hech qaysi terrorchilik tashkiloti portlashga aloqador ekanligini ta'kidlamagan. Ammo, Gor viloyati gubernatorligi hujumda «Tolibon» harakatini ayblagan.
Afg‘onistonda mamlakatning markaziy qismidagi Gor shahrida mahalliy politsiya idorasi yaqinida bomba yuklangan avtomobil portlab, kamida 14 kishi halok bo‘ldi va 119 kishi jarohat oldi.
Mahalliy politsiya ma'lumotlariga ko‘ra, qurbonlarning barchasi tinch aholi vakillari bo‘lib, yaradorlar orasida xavfsizlik xizmatining 35 xodimi bor.
Hujum Qatar poytaxti Dohada Afg‘oniston hukumati va «Tolibon» harakati o‘rtasida tinchlik muzokaralari bo‘lib o‘tadigan kuni amalga oshirilgan. Terrorchi tashkilotlar ushbu hujum uchun javobgarlikni hali o‘z zimmasiga olmadi. Viloyat hokimligi ma'muriyati esa «Tolibon»dan gumon qilmoqda.
Avvalroq, Afg‘onistonda ikkita qo‘lbola bombaning portlashi natijasida sakkiz nafar fuqaro halok bo‘lgani va yana 25 kishi jarohat olgani haqida xabar berilgan edi.
Shuningdek, Qo‘shma Shtatlar Afg‘onistondagi kontingentini 2020 yil oxiriga qadar 2,5 ming askarga qisqartirishi xabar qilingan.
Mavzuga oid
00:28 / 19.09.2024
Dunyoda bir oy ichida qariyb 50 ming kishida vabo aniqlandi
19:07 / 13.09.2024
Abdulaziz Komilov AQShning Afg‘oniston bo‘yicha vakili bilan uchrashdi
17:58 / 11.09.2024
AQSh tarixidagi eng yirik terakt - 11 sentabr voqealarini aks ettirgan suratlar
16:56 / 10.09.2024