AQSh Milliy razvedkasi Rossiyani saylovchilar haqida ma'lumot to‘plashda aybladi

“Biz jamoatchilikni ogohlantirmoqchimiz: ikkita xorijiy davlat Eron va Rossiya saylovlarimiz bilan bog‘liq ravishda jamoatchilik fikriga ta'sir o‘tkazishga mo‘ljallangan harakatlar amalga oshirganligini aniqladik. Biz Eron va Rossiya bir-biridan alohida tarzda saylovchilarni ro‘yxatga olish to‘g‘risida ba'zi ma'lumotlarni olganligini tasdiqladik “, - degan u matbuot anjumanida.

Milliy razvedka rahbari ushbu ma'lumotdan ovoz berayotgan fuqarolarda shubha tug‘dirish, saylovlarga bo‘lgan ishonchni pasaytirish uchun foydalanish mumkinligini ta'kidlagan. Shuningdek, u Eronni soxta ovoz berish to‘g‘risidagi videoni tarqatishda ayblagan va bu kadrlarni ishonchsiz degan.

«Bu umidsiz raqiblarning umidsiz choralari», — deya qo‘shimcha qilgan Retklif.

U yana bir bor Qo‘shma Shtatlarning  saylovlarga aralashishiga «toqat qilolmasligini» va buni amalga oshirganlarga «badal to‘latish»ga tayyor ekanligini ta'kidlagan.

Rossiya va Eron AQSh saylovlariga aralashish haqidagi ayblovlarni rad etishgan.