Haagada Saudiya Arabistoni elchixonasi o‘qqa tutildi

Noma'lum shaxslar elchixona binosining derazalari va old tomoniga qarata kamida 20 marta o‘q uzishgan.

Foto: Sem Van Der Wal / EPA, via Shutterstock

Niderlandiyaning Haaga shahrida noma'lum shaxslar bugun, 12 noyabr kuni Saudiya Arabistoni elchixonasi binosiga o‘q uzishdi.

Omroep West radiosi xabariga ko‘ra, binoga kamida 20 marta o‘q uzilgani aniqlangan. Bino devorlari va derazalarida o‘q izlari qolgan.

Hodisa natijasida hech kim jabrlanmagan. Politsiya jinoyat sodir bo‘lgan joyga ertalab soat 5:30 atrofida yetib kelgan. Jinoyatchilarni bunga undagan motivlar noma'lum.

Bundan bir kun oldin Saudiya Arabistoni poytaxti Jidda shahrida, xorijiy diplomatlar ishtirokidagi marosimda portlash yuz bergan, bir necha kishi jarohat olgan edi.