Turkiya parlamenti Ozarboyjonga harbiylarni yuborishni ma'qulladi

Turkiya parlamenti prezident Rajab Toyyib Erdo‘g‘anning Ozarboyjonga harbiylarni yuborish haqidagi farmonini ma'qulladi. Farmon turk harbiylarining Ozarboyjonga bir yillik muddatga yuborilishini ko‘zda tutadi.

Foto: EPA-EFE/STR

Erdo‘g‘anning farmonini hukmron Adolat va taraqqiyot partiyasi, muxolif Xalq-respublika partiyasi, Milliy birdamlik partiyasi va “Yaxshi partiya” deputatlari qo‘llab-quvvatlashgan.

Turk harbiylari Rossiya bilan tuzilayotgan, Tog‘li Qorabog‘dagi o‘t ochish rejimiga amal qilinishi ortidan nazorat olib boruvchi markaz ishiga jalb qilinishi kutilmoqda.

Rossiya-Turkiya markazini tashkil etish haqidagi memorandum 11 noyabrda ikki davlat mudofaa vazirlarining videoaloqa orqali o‘tgan muzokaralari yakunlari bo‘yicha imzolangan.