“Roma” klubi mashg‘ulotlar bazasida urush vaqtiga mansub 20ta snaryad topildi

Italiyaning “Roma” futbol klubi mashg‘ulotlar bazasida Ikkinchi jahon urushi vaqtiga mansub 20ta snaryad topildi. Bu haqda jamoaning Twitter’dagi sahifasida ma'lum qilindi.

Foto: twitter.com/AS Roma

Snaryadlar topilgan joyga sapyorlar chaqirtirilgan. Mutaxassislar hududni sinchkov tekshirib chiqqach, u yerda 20ta bombani topishgan. Barcha bombalar zararsizlantirilgan.

“Italiya armiyasi va sapyorlar otryadiga Trigoriyadagi mashg‘ulotlar bazamizdan Ikkinchi jahon urushi vaqtidagi snaryadlarni olib tashlashgani uchun katta rahmat”, deyilgan xabarda.

Xavfli topilma klub yangi mashg‘ulot maydonlarini qurishni rejalashtirgan hududni tayyorlash vaqtida aniqlangan.