Tramp amerikaliklarga murojaat bilan chiqdi
Trampning ta'kidlashicha, ovozlarni hisoblash mashinalari saylovchilarning ovozlarini almashtirib yuborgan va ularni Bayden hisobiga o‘tkazgan.
AQSh prezidenti Donald Tramp amerikaliklarga murojaat bilan chiqdi.
U yana bir marta prezident saylovidagi mag‘lubiyatini tan olmasligini aytdi.
“Konstitutsion jarayon davom etishiga yo‘l qo‘yib berish kerak. Biz har bir qonuniy byulleten hisobga olinishi va birorta ham noqonuniy byulleten hisobga olinmasligini kafolatlagan holda saylovning haqqoniyligini himoya qilamiz”, — dedi Tramp.
Uning ta'kidlashicha, ovozlarni hisoblash mashinalari saylovchilarning ovozlarini almashtirib yuborgan va ularni Bayden hisobiga o‘tkazgan.
“Bu saylov ilgari hech qachon bo‘lmagan ulkan tovlamachilik bo‘ldi. Kuzatuvchilarga saylovni kuzatish imkoni berilmadi, bu noqonuniy. Saylov soxtalashtirildi, buni hamma biladi. Ko‘plab OAV va hatto sudlar ham saylovda kim yutganini biladi, ammo bizning haqligimizni tan olishdan bosh tortishyapti. Yakunda men har qanday aniq natijani tan olishga tayyorman. Bayden ham tayyor deb umid qilaman. Shtatlardagi ovoz berish natijalarini o‘zgartirib yuboradigan o‘n minglab ovozlar bor”, — dedi u.
AQShda noyabrda o‘tgan prezident saylovining rasmiy natijalari hali e'lon qilinmadi. OAV hisob-kitoblariga ko‘ra, demokrat Jo Bayden prezident bo‘lish uchun yetarlicha ovoz to‘plagan. Biroq Donald Tramp raqibining g‘alabasini tan olmayapti va muhim shtatlarda ovoz berish natijalari bo‘yicha da'volashmoqda.
OAVning ma'lumot berishicha, Tramp 2024 yilgi prezident saylovlarida ishtirok etishi mumkinligini aytgan.
Mavzuga oid
13:20 / 07.10.2024
Tramp o‘ziga suiqasd uyushtirilgan joyda nutq so‘zladi
10:20 / 07.10.2024
NYT Tramp va Putin Ukraina bo‘yicha birinchi muhokamani qachon o‘tkazganini ochiqladi
21:16 / 06.10.2024
Tramp saylovda g‘alaba qozonsa, amerikaliklarni Marsga qo‘ndirishga va’da berdi
15:21 / 06.10.2024