2020 yilning eng yaxshi gadjetlari nomi e'lon qilindi

The Verge nashri yakunlanayotgan yilning eng yaxshi gadjetlari nomini ma'lum qildi.

Samsung Galaxy S20 va S20+ 2020 yilning eng yaxshi smartfonlari deb topildi.

Eng yaxshi buklama smartfon deb Samsung Galaxy Z Fold2 e'tirof etildi.

M1 chipi bilan jihozlangan MacBook yilning eng yaxshi kompyuteri deb e'lon qilindi.

Nashr shuningdek, eng yaxshi qurilmalar bilan birga, yaxshi qurilmalarni ham sanab o‘tgan. Bular Asus ROG G14 Zephyrus noutbuki, GoPro Hero 9 kamerasi, DJI Mini 2 droni, Sony WH-1000XM4 quloqchinidir.

 Noyabr oxirida Time jurnali 2020 yilning eng yaxshi qurilmalari nomini e'lon qilgandi. «Maishiy elektronika» yo‘nalishida Insta360 One R ekshen-kamerasi, Sony a7C kamerasi, Nuheara I Qbuds2 MAX simsiz garniturasi va Microsoft Surface Duo buklama smartfoni eng yaxshi qurilmalar deb topilgan.