Nike yugurishni osonlashtiruvchi “robot oyoq” yaratdi

Project Amplify — bu elektr dvigatelli oyoq moslamasi, Nike uni amerikalik startap Dephy bilan birga ishlab chiqqan. Qurilma oyoqqa o‘rnatiladi, tizzadan pastda joylashgan qismi esa motor yordamida har bir qadamingizni kuchaytiradi.

Tizim oyoq harakatini kuzatib boradi, yuk taqsimotini o‘rganadi va mushaklarga yordam beradi. Natijada yugurayotgan odam kamroq kuch sarflaydi, lekin tezroq masofa bosib o‘tadi.

Nikeʼning dastlabki sinovlariga ko‘ra, ayrim sportchilar bu tizim bilan bir mil masofani 12 daqiqa emas, 10 daqiqada bosib o‘tgan. Nike uni ommaviy ishlab chiqarish rejalari haqida gapirgan, biroq aniq sanani hali oshkor etmagan.