Britaniyada kunlik kasallanish holatlari ilk bor 36 mingtadan oshdi

Bundan avvalgi rekord sonda kasallanish 20 dekabrda qayd qilingan. O‘shanda 35,9 mingta kasallanish holati aniqlangan. Umuman olganda, Britaniyada oxirgi 7 kun ichida koronavirusga chalinish holatlari soni 60 foizga o‘sgan.

Hozirda mamlakatda umumiy kasallanish holatlari 2,1 mlntaga yetdi. So‘nggi sutkada 691ta o‘lim holati qayd etilgan. Bu 25 noyabrdan beri eng yuqori ko‘rsatkichdir. Jami o‘limlar soni 68,3 mingtaga yetgan. Britaniya bu ko‘rsatkich bo‘yicha Yevropada Italiyadan keyin 2-o‘rinni egallamoqda.  

Britaniyada o‘tgan hafta koronavirusning avvalgisiga nisbatan yuqumliroq yangi turi tarqalayotgani ma'lum qilingandi. Virusning yangi turi tarqalishi oldini olish maqsadida bir necha davlatlar, jumladan O‘zbekiston Britaniya bilan aviaaloqani to‘xtatdi.