Astronomlar Maskning sun'iy yo‘ldoshlaridan shikoyat qilishdi
Hozirda orbitaga Starlink va OneWeb sun'iy yo‘ldoshlari joylashtirilmoqda, tez orada ular qatoriga Amazon kompaniyasining Kuiper sun'iy yo‘ldoshlari ham qo‘shiladi.
Astrofizik Itan Sigel Starlink sun'iy yo‘ldoshlari tadqiqotlarga xalaqit berayotganini aytdi. Uning so‘zlariga ko‘ra, ular sababli teleskoplardagi tasvirlar chaplashib ketmoqda, deb yozadi Forbes.
Hozirda orbitaga Starlink va OneWeb sun'iy yo‘ldoshlari joylashtirilmoqda, tez orada ular qatoriga Amazon kompaniyasining Kuiper sun'iy yo‘ldoshlari ham qo‘shiladi.
Olimlarning ta'kidlashlaricha, ular Starlink sun'iy yo‘ldoshlarining xalaqit berishiga 2019 yildayoq duch kelishgan.
Astrofiziklar sun'iy yo‘ldoshlarni ishlab chiqishda hisobga olinishi kerak bo‘lgan tavsiyalarni berishgan. Unga ko‘ra, sun'iy yo‘ldosh orbitasi balandligi 550-600 kilometrdan oshmasligi lozim.
Mutaxassislar Starlink sun'iy yo‘ldoshlarini ajratib olish mumkinligini, ammo OneWeb qurilmalarida muammo ko‘proq paydo bo‘lishini qayd etishdi. Uning sun'iy yo‘ldoshlari 1,2 ming kilometr balandlikda joylashgan.
SpaceX kompaniyasi orbitaga 12 ming dona sun'iy yo‘ldosh uchirishni rejalashtirgan. Kompaniya sun'iy yo‘ldoshlarni orbitaga 2019 yil may oyidan chiqarishni boshlagan.
Mavzuga oid
13:09 / 03.09.2024
Braziliya Maskning Starlink platformasiga nisbatan sanksiyalar bilan tahdid qildi
23:05 / 31.08.2024
Qozog‘istonda 1,8 mingga yaqin maktab Starlink orqali internetga ulandi
21:46 / 19.08.2024
«Starlink uchun ham rahmat» - Ramzon Qodirov va Ilon Mask bahsi davom etdi
08:36 / 18.05.2024