Andijonda fuqaroni 325 mln so‘mlik kalishlarga aldab ketishdi
2021 yilning yanvar oyidan fevral oyiga qadar Abdulaziz I. firibgarlik yo‘li bilan daromad orttirish maqsadida Muhammadali Sh.ga go‘yoki kalish mahsulotlarini olib, savdosidan tushgan pullarni unga berishni va'da qilib, ishonchiga kirgan.
IIV huzuridagi Tergov departamenti xabariga ko‘ra, u Andijon shahar Eski O‘sh ko‘chasi hududida Muhammadali Sh.dan qiymati 325 190 500 so‘mlik kalish mahsulotlarini qo‘lga kiritib, pullarini bermaganligi aniqlangan.
Mazkur holat yuzasidan Andijon shahar IIO FMB huzuridagi Tergov bo‘limi tomonidan Abdulaziz I.ga nisbatan Jinoyat kodeksining 168-moddasi 4-qismi “a” bandi (firibgarlik) bilan jinoyat ishi qo‘zg‘atilgan.
Jinoyat ishi bo‘yicha tergov harakatlari davom etmoqda.
“Hurmatli fuqarolar, shu kabi firibgarlarning tuzog‘iga tushib qolmang, o‘zingizga tegishli buyumlarni turli xil bahona bilan egallash ilinjida bo‘lgan firibgarning to‘riga tushib qolmaslik o‘z qo‘lingizda”, - deyiladi xabarda.
Mavzuga oid
11:38 / 25.10.2024
Viloyatlar orasida eng zich aholi Andijonda yashashi ma’lum qilindi
15:50 / 21.10.2024
Andijon va Toshkentda 1 mlrd so‘mdan ortiq “svet”dan noqonuniy foydalangan shaxslar ushlandi
10:54 / 20.10.2024
ETK montyori bilan til biriktirib elektrdan noqonuniy foydalangan shaxsga jinoyat ishi qo‘zg‘atildi
10:00 / 15.10.2024