Bayden AQShning Suriyaga bergan zarbasi sababini tushuntirdi
AQSh prezidenti Jo Bayden kongressga yo‘llagan maktubida Suriyaga berilgan aviazarba sababini tushuntirdi. Uning ta'kidlashicha, Suriyadagi Eronni qo‘llab-quvvatlovchi kuchlar amerikalik harbiylarga qarshi yangi hujumlar tayyorlagan.
“25 fevraldagi buyrug‘im bilan AQSh qurolli kuchlari Eron tomonidan qo‘llab-quvvatlanuvchi nodavlat guruhlar foydalanadigan infratuzilmaga aniq zarba berdi”, deb aytilgan maktubda.
Ta'kidlanishicha, ushbu ko‘ngilli guruhlar AQSh va koalitsiya harbiylariga qarshi hujumlarga, jumladan 15 fevralda Erbilda sodir etilgan hujumlarga aloqador hisoblanadi. Bundan tashqari, amerikaliklarga qarshi yangi hujumlarga tayyorgarlik ko‘rilgan.
Zarbalar berilgandan keyin Pentagonda hujumni amalga oshirishda harbiylar Iroqdan olingan razvedka ma'lumotlariga tayanishgani aytilgan.
AQSh mudofaa vazirligi matbuot kotibi Jon Kirbi ma'lumotlariga ko‘ra, aviazarbalar 2ta F-15 qiruvchi samolyoti yordamida Iroq bilan chegarada joylashgan Abu-Kamol shahridagi obektlarga berilgan. Natijada ko‘ngilli guruhlarga tegishli 9ta obekt yo‘q qilingan, yana 2tasiga jiddiy ziyon yetgan.
Bayden aviazarbalardan keyin Eronni harakatlari javobsiz qolmasligidan ogohlantirgan.
Mavzuga oid
20:57 / 24.10.2024
Sobiq model Steysi Uilyams Trampni tegajog‘likda aybladi
20:17 / 24.10.2024
Boyvachcha, shoumen, populist - Donald Tramp hayotiga nazar
09:10 / 24.10.2024
Millionlab amerikaliklar prezidentlik saylovida ovoz berib bo‘ldi
22:17 / 23.10.2024