Qoʻshimcha funksionallar
-
Tungi ko‘rinish
AQShda karantin cheklovlarini bekor qilish boshlandi
Texasda 10 martdan barcha korxonalar faoliyatini qaytadan boshlash hamda cheklovlarning "katta qismi"ni bekor qilish rejalashtirilmoqda. Missisipida chorshanbadan boshlab jamoat joylarida niqob taqish rejimi bekor qilinadi.
Foto: Reuters
AQShning Texas va Missisipi shtatlari asosiy karantin cheklovlari bekor qilinishini e'lon qildi. Bu haqda NBC News xabar bermoqda.
Texasda 10 martdan barcha korxonalar faoliyatini qaytadan boshlash hamda cheklovlarning "katta qismi"ni bekor qilish rejalashtirilmoqda.
"Texasni yuz foizga ochish vaqti keldi. Koronavirus birdaniga yo‘qolib qolmadi, ammo endi cheklovlar kerak emas. Endi bizda vaksina bor", – dedi shtat gubernatori Greg Ebbot.
O‘z navbatida Missisipida chorshanbadan boshlab jamoat joylarida niqob taqish rejimi bekor qilinadi.
"Shifoxonaga yotqizishlar va kasallanish holatlari keskin kamaydi, vaksina esa jadal tarqatilmoqda. Vaqt bo‘ldi", – dedi shtat gubernatori Teyt Rivz.
AQSh kasalliklarni nazorat va profilaktika qilish markazi direktori Roshel Valenski esa hukumatni karantinni bekor qilishdan ogohlantirdi.
"Aksariyat shtatlar odamlarni koronavirusdan himoya qilish uchun bergan tavsiyalarimizni bekor qilayotgani to‘g‘risidagi xabarlardan xavotirdaman", – dedi u.
Avvalroq AQShning bosh infeksionisti Entoni Fauchi 2022 yilda ham tibbiy niqob taqishga to‘g‘ri kelishi mumkinligini aytgandi.
Koronavirus
Mavzuga oid
16:15
Mersga Kremldan "hujum": AQShning Ukraina bo‘yicha roli atrofida bahs kuchaymoqda
15:44
AQSh YeI davlatlarini Kiyevga Rossiya aktivlari hisobidan kredit bermaslikka chaqirdi
15:10
AQSh NATOdagi majburiyatlarning asosiy qismini Yevropaga o‘tkazmoqchi
13:54