Huawei 5G-smartfonlar bozorida yetakchilikni egalladi

5G bozorida Huawei ulushi 26,9 foizni tashkil etgan. Ikkinchi o‘rinni 25,1 foiz ulush bilan Samsung egalladi.

Huawei kompaniyasi faol 5G qurilmalar soni bo‘yicha dunyoda birinchi o‘rinni egalladi. Bu haqda Finbold agentligi tadqiqotida aytilmoqda.

Ma'lumot berilishicha, 5G bozorida Huawei ulushi 26,9 foizni tashkil etgan. Ikkinchi o‘rinni 25,1 foiz ulush bilan Samsung egalladi. Yuqori uchlikni 19,5 foiz ulush bilan Apple yakunlagan. Keyingi o‘rinlarda Xitoyning Vivo va Honor kompaniyalari egalladi. Ularning bozordagi ulushi mos ravishda 11,8 va 6,9 foizni tashkil etgan.

Shuningdek, mutaxassislar Huawei va Samsung kompaniyalarini taqqoslashdi. Oxirgi chorak natijalariga ko‘ra, Koreya kompaniyasi raqobatchisini ortda qoldirgan – masalan, noyabrda beshinchi avlod tarmoqlarida koreyslarning 44,9 va xitoylarning 8,6 foiz qurilmasi ro‘yxatga olingan.

Qayd etilishicha, AQSh sanksiyalariga qaramasdan, Huawei ko‘plab buyurtmalarga ega va 5G infratuzilmasini faol rivojlantirmoqda.