Eron Isroil yuk kemasiga raketa zarbasi bergani ma'lum qilindi
Arabiston dengizida Isroilning XT Management kompaniyasiga tegishli yuk kemasiga Eronning raketasi tegishi oqibatida shikast yetdi. Voqea oqibatida kema ekipajiga jabr yetmagan, deb xabar berdi Isroil televideniyesining 12-kanali.
Telekanal ma'lumotlariga ko‘ra, kema Tanzaniyadan Hindistonga yo‘nalayotgan bo‘lgan va hujumdan keyin yo‘lini davom ettira olgan. Kemaga yetkazilgan zarar u belgilangan portga yetib borgach baholanadi. Ta'kidlanishicha, voqea haqida kema egasi va Isroil xavfsizlik kuchlari xabardor qilingan. Ular hozirda vaziyatning jiddiyligi darajasini o‘rganishmoqda.
Avvalroq Isroil bosh vaziri Binyamin Netanyahu fevral oxirida Ummon ko‘rfazida Isroilga qarashli Helios Ray kemasiga hujumda ham Eronni ayblagandi. Biroq Eron bu ayblovlarni qat'iyan rad etgan. Kema Saudiya Arabistonidagi Dammam portidan Singapurga yo‘nalayotgan bo‘lgan.
Mavzuga oid
19:26 / 24.10.2024
The Times: Isroil AQShda maxfiy hujjatlar tarqalib ketgani tufayli Eronga hujumini kechiktirdi
12:40 / 24.10.2024
Isroil armiyasi Bayrut janubiga besh marta havo hujumi uyushtirdi
12:20 / 24.10.2024
Isroil HHK Livan janubi va sharqiga zarba berdi, 19 kishi halok bo‘ldi
12:00 / 24.10.2024