Shimoliy Koreya qatorasiga ikkinchi kun raketa sinovlarini o‘tkazdi
Shimoliy Koreya 26 mart kuni ikkita taktik raketasi sinovini o‘tkazdi. Bu Pxenyanning 2 kun ichidagi ikkinchi raketa sinovidir. Bu haqda Shimoliy Koreyaning Rodong Sinmun rasmiy nashri ma'lum qildi.
Nashrda yaqinda ishlab chiqilgan raketalar Yapon dengizi ustidan 600 km uchib o‘tgani ma'lum qilingan. Ma'lumotlarga ko‘ra, raketalar 2,5 tonnagacha og‘irlikdagi jangovar kallakni tashiy oladi. Ta'kidlanishicha, sinovlarni Shimoliy Koreya yetakchisi Kim Chen In kuzatmagan.
25 mart kuni janubiy koreyalik harbiylar Pxenyan Yapon dengizi tomon kichik masofalarga mo‘ljallangan 2ta ballistik raketa uchirganini ma'lum qilgandi. Raketalar 60 km balandlikda 450 kmga yaqin masofani uchib o‘tgan.
Bundan tashqari, Shimoliy Koreya 21 mart kuni ham qanotli raketalari sinovini o‘tkazgandi. Ballistik raketalardan farqli, qanotli raketalar BMT Xavfsizlik kengashi sanksiyalari ostiga tushmaydi.
Tahlilchilar ushbu sinovlarni Shimoliy Koreya yetakchisi Kim Chen Inning AQShning yangi prezidenti Jo Baydenga chaqiriq tashlashi deb baholashmoqda.
O‘z navbatida Bayden vaziyat keskinlashgudek bo‘lsa, Vashington Pxenyanning ushbu harakatlarini javobsiz qoldirmasligini aytgan.
Mavzuga oid
16:31 / 18.10.2024
KXDR Ukrainadagi urushga 12 ming harbiysini yubormoqchi - Janubiy Koreya razvedkasi
23:22 / 17.10.2024
Shimoliy Koreyada chuchxe kalendari bekor qilindi
19:27 / 17.10.2024
Shimoliy koreyalik hakerlar yadroviy dastur uchun 3 mlrd dollar o‘g‘irlagan - Microsoft
10:10 / 17.10.2024