Suriyada neft tankeriga drondan zarba berildi 

Suriyaning Baniyos shahri yaqinida turgan neft tankeriga drondan zarba berildi. SANA axborot agentligining xabar berishicha, buning oqibatida kemada yong‘in chiqqan. 

Kema Livan suv hududi tomondan 2ta snaryad bilan o‘qqa tutilgan. Snaryadlardan biri kemaning tumshuq qismiga tegib, unga katta zarar yetkazmagan. Biroq ikkinchi snaryad palubaga tushib, jiddiy talafotga olib kelgan. 

Ayni vaqtga kelib yong‘inni to‘liq o‘chirishga muvaffaq bo‘lingan. 

Ta'kidlanishicha, hujum oqibatida hech kim halok bo‘lmagan. 

Al-Hadath telekanalining xabar berishicha, hujumga Eron tankeri uchragan bo‘lishi mumkin.     

Bu orada Al-Mayadeen telekanali Damashq tankerga Isroil droni yordamida zarba berilgan deb hisoblayotganini ma'lum qilgan.