San'at va madaniyat instituti hamda davlat konservatoriyasi karantinga yopildi

O‘zbekiston davlat san'at va madaniyat instituti ayrim talabalarda koronavirus aniqlangani sababli karantinga yopildi. O‘quv jarayonlari masofaviy shaklga o‘tkazildi. Bu haqda Madaniyat vazirligi yurituvidagi Telegram-kanalida ma'lum qilindi.

«O‘zbekiston davlat san'at va madaniyat institutida ayrim talabalarda COVID-19 kasalligi aniqlanganligi sababli o‘quv jarayonlari 2021 yilning 28 aprelidan boshlab 14 kunga (11 mayga qadar) masofaviy (onlayn) shaklga o‘tkazildi», – deyiladi xabarda.

Vazirlik matbuot xizmati vakilining Kun.uz’ga bergan ma'lumotiga ko‘ra, 27 apreldan shuningdek, O‘zbekiston davlat konservatoriyasi ham masofaviy ta'lim shakliga o‘tkazilgan.