Санъат ва маданият институти ҳамда давлат консерваторияси карантинга ёпилди

Фото: Ўзбекистон давлат санъат ва маданият институти

Ўзбекистон давлат санъат ва маданият институти айрим талабаларда коронавирус аниқлангани сабабли карантинга ёпилди. Ўқув жараёнлари масофавий шаклга ўтказилди. Бу ҳақда Маданият вазирлиги юритувидаги Telegram-каналида маълум қилинди.

«Ўзбекистон давлат санъат ва маданият институтида айрим талабаларда COVID-19 касаллиги аниқланганлиги сабабли ўқув жараёнлари 2021 йилнинг 28 апрелидан бошлаб 14 кунга (11 майга қадар) масофавий (онлайн) шаклга ўтказилди», – дейилади хабарда.

Вазирлик матбуот хизмати вакилининг Kun.uz’га берган маълумотига кўра, 27 апрелдан шунингдек, Ўзбекистон давлат консерваторияси ҳам масофавий таълим шаклига ўтказилган.