Nigeriyada 50dan ko‘proq kishi chorva o‘g‘rilari hujumlari qurboni bo‘ldi

Nigeriyada chorva o‘g‘rilari Zamfara shtatining 6ta qishlog‘ida 53 kishini o‘ldirdi. Politsiyaning ta'kidlashicha, mototsikllarda harakatlangan qurollangan jinoyatchilar chorva o‘g‘irlash maqsadida fermerlarga hujum qilgan.

Marosim vaqtida takroriy hujumlar sodir etilishi mumkinligi xavotirida qurbonlarning bir qismi qo‘shni shaharda dafn qilingan. Yana 14 qurbon jasadi shtat poytaxti – Guso shahriga jo‘natilgan.

Hukumat voqea yuz bergan hududga qo‘shimcha kuchlarni jo‘natgan.

Nigeriyada ikki yildan beri jinoiy to‘dalarning tinch aholiga hujumlari tobora avj olmoqda. Jinoyatchilar moddiy naf ko‘rish maqsadida odamlarni garovga olyapti, chorvalarni olib qochyapti, tinch aholini qo‘rqitib, unga turli o‘lponlar solmoqda. Jumladan, 2020 yil dekabridan beri evaz puli olish maqsadida 850dan ziyod o‘quvchi va talaba o‘g‘irlab ketilgan. Ulardan aksariyati jinoyatchilar talab qilgan pul to‘lab berilgandan keyin qo‘yib yuborilgan.

Hukumat jinoyatchilikni bostirish uchun politsiyaning maxsus otryadlari va harbiylarni jalb qilishiga to‘g‘ri kelmoqda.