Qoʻshimcha funksionallar
-
Tungi ko‘rinish
Zambiya prezidenti harbiy parad vaqtida hushini yo‘qotdi
Prezident Lungu 64 yoshda bo‘lib, u 2015 yildan buyon Zambiyaga rahbarlik qilib kelmoqda.
Zambiya prezidenti Edgar Lungu mamlakat poytaxti Lusakada o‘tkazilgan harbiy parad vaqtida hushini yo‘qotdi. Bu haqda Zambia Watchdogs nashri xabar berdi.
«Zambiya respublikasi prezidenti zoti oliylari Edgar Chagva Lungu kutilmagan bosh aylanishini his qildi. U darhol o‘ziga keldi va hukumat avtomobilida o‘z qarorgohiga qaytdi», deyiladi hukumat xabarida.
Xabarda qayd etilishicha, u fuqarolar va xalqaro hamjamiyatga o‘zini yaxshi his qilayotganini va davlat rahbari vazifasini bajarishda davom etayotganini bildirgan.
Prezident Lungu 64 yoshda bo‘lib, u 2015 yildan buyon Zambiyaga rahbarlik qilib kelmoqda. Bunga qadar esa ichki ishlar, mudofaa va adliya vaziri vazifalarida ishlagan.
Lusakada havo harorati 23 darajani tashkil etmoqda.
Mavzuga oid
22:46 / 20.02.2026
Zambiyaning sobiq prezidentini 8 oydan beri dafn qila olishmayapti
22:55 / 16.09.2025
Zambiyada ikki erkak sehr yordamida prezidentni o‘ldirishni rejalashtirgani uchun qamaldi
10:54 / 09.04.2025
Toshkentda bo‘lib o‘tayotgan Parlamentlararo ittifoq tadbirida Zambiya vakili vafot etdi
16:42 / 18.11.2022