Kanada bosh vaziri karantinga joylashtirildi

Kanadadagi qoidalarga binoan, mamlakatga kirib kelayotgan barchadan koronavirusga manfiy test hamda karantin o‘tash talab qilinadi.

Foto: CTV

Kanada bosh vaziri Jastin Tryudo hamda u bilan birga G7 va NATO sammitlarida ishtirok etgan Kanada delegatsiyasi a'zolari koronavirusga topshirgan testlari natijasi chiqquniga qadar uch yulduzli mehmonxonada karantinda bo‘ladi. Bu haqda CTV News xabar berdi.

Ma'lumotlarga ko‘ra, ular mehmonxonada uch kun bo‘lishadi, so‘ngra uylarida 11 kun karantin o‘tashadi.

Kanadadagi qoidalarga binoan, mamlakatga kirib kelayotgan barchadan koronavirusga manfiy test hamda karantin o‘tash talab qilinadi.

Mamlakatda koronavirus yuqtirganlar soni 1,4 milliondan oshgan, 26 mingga yaqin bemor vafot etgan.