Bugun ayrim hududlarda qisqa muddatli yomg‘ir yog‘ishi mumkin

Bugun kunduz kuni O‘zbekistonda issiq va quruq ob-havo saqlanib turadi, faqat Farg‘ona vodiysida kunning ikkinchi yarmida, Toshkent viloyatida kechga tomon ba'zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol 7-12 m/s tezlikda esadi, ba'zi joylarda 15-20 m/s gacha kuchayishi mumkin. Havo harorati 38-41 daraja issiq atrofida bo‘lib, shimolda, janubda va cho‘l hududlarda 43 daraja issiqqacha ko‘tariladi.

Poytaxtda havo kam bulutli bo‘ladi, yog‘ingarchilik kutilmaydi, kechga tomon qisqa muddatli yomg‘ir yog‘ishi, momaqaldiroq bo‘lishi mumkin. Shamol 3-8 m/s tezlikda esadi, ba'zi joylarda 12-15 m/s gacha kuchayishi mumkin. Havo harorati 39-41 daraja issiq atrofida bo‘ladi. 

Respublikaning tog‘li hududlarida havo biroz bulutli bo‘ladi, ba'zi joylarda o‘zgarib turadi, ayrim hududlarda qisqa muddatli yomg‘ir yog‘ishi, momaqaldiroq bo‘lishi mumkin. Shamol 7-12 m/s tezlikda esadi, ba'zi joylarda 15-20 m/s gacha kuchayishi mumkin. Harorat 29-34 daraja issiq bo‘ladi.