Boliviyada avtobus jarlikka qulashi oqibatida 34 kishi halok bo‘ldi

Boliviyada avtobusning jarlikka qulashi 34 kishining hayotiga zomin bo‘ldi. Bu haqda Unitel telekanali xabar berdi. 

Avtobus Boliviya poytaxti Sukrega yo‘l olayotganda Chatakillada 150 metr balandlikdan jarlikka qulagan. Voqea oqibatida yana 10 kishi jarohatlangan, ulardan 2 nafarining ahvoli og‘ir deb baholanmoqda.

Avtohalokat sabablari aniqlashtirilmoqda. Dastlabki ma'lumotlarga ko‘ra, voqeaga haydovchining xatosi sabab bo‘lgan bo‘lishi mumkin.

Halokat joyida qutqaruv ishlari davom etmoqda.