Toliblar Afg‘onistonni yarim yil ichida egallaydi – AQSh razvedkasi

"Tolibon" harakati Afg‘onistonda hukumatni yarim yil davomida qo‘lga kiritadi. AQSh razvedkasi ana shunday fikrda, deb yozadi Reuters.

Qayd etilishicha, mamlakat hukumati qo‘shinlarni o‘ta muhim infratuzilma obektlari va katta shaharlarni qo‘riqlashga jalb etishga e'tibor qaratgan.

Afg‘oniston hukumatining bu rejasi mamlakat hududining bir qismi "Tolibon" nazorati ostiga o‘tishiga olib keladi.

Pentagonning fikricha, Afg‘onistondagi tumanlar markazlarining yarmidan ortig‘i toliblar tomonidan egallab olingan.

O‘z navbatida, Rossiya tashqi ishlar vaziri Sergey Lavrov toliblar Afg‘oniston hududining 70-80 foizini egallaganini aytdi, deb yozadi Interfaks.

Avvalroq toliblar xalq vakillari kengashi orqali hukumat shakllantirishini bildirgandi.