Italiyada harorat 48 darajagacha ko‘tarilishi kutilmoqda

Ushbu haftada Italiya janubida havo harorati 48 darajaga yetishi mumkin, deb xabar bermoqda Ansa.

Xabarda aytilishicha, bunga Afrikadan keladigan subtropik antitsiklon sabab bo‘ladi. Italiya sog‘liqni saqlash vazirligi sakkizta shaharda harorat xavfining qizil darajasini e'lon qildi.

Italiyaliklar soat 11dan 18gacha ko‘chaga chiqmaslik, issiq vaqtda jismoniy zo‘riqishlardan qochishga chaqirilmoqda.

Bundan tashqari, ko‘p suv ichish, o‘ta sovuq va alkogolli ichimliklar ichmaslik tavsiya qilinmoqda.

Avvalroq olimlar Yer yuzidagi harorat rekord darajada oshib borayotganini ma'lum qilgandi.