Bayden AQShning Afg‘onistondagi xatosini aytdi
AQSh Afg‘onistonda “Al-Qoida” terrorchi guruhini yo‘q qilgandan keyin ham u yerda qolib, mamlakatni birlashtirish uchun behuda uringan. Bu haqda AQSh prezidenti Jo Bayden Shanksvill shahriga tashrifi vaqtida jurnalistlarga aytib o‘tdi.
Oq uy rahbari Shanksvillga 2001 yil 11 sentyabrdagi teraktlar qurbonlari xotirasini yod etgani kelgan.
“Al-Qoida” qaytishi mumkinmi? Ha. Chunki u endi boshqa yerlarda ham bor. Nima, endi biz “Al-Qoida” bor bo‘lgan hamma yerga bostirib kirib, u yerda qo‘shin qoldirishimiz kerakmi? Yo‘q”, deb aytgan Bayden.
AQSh prezidenti Afg‘onistondan qo‘shinlarni olib chiqish qaroriga izoh berib, Vashington Afg‘onistondagi kampaniya vaqtida jiddiy sarf-xarajatlarni amalga oshirganini aytgan.
“Agar biz Bin Lodinni, “Al-Qoida”ni yo‘q qilganimizdan keyin bu mamlakatni birlashtirish uchun 20 yil davomida kuniga 300 mln dollardan sarflashimizni avvalroq tushunganimizda, ehtimol ertaroq nimanidir o‘zgartirgan bo‘lardik”, deb ta'kidlab o‘tgan Oq uy rahbari.
U amerikalik harbiylarning Afg‘onistondan olib chiqilishini AQSh aholisining katta qismi qo‘llab-quvvatlashini aytgan.
Shu bilan birga, Bayden amerikaliklar AQSh harbiylarining Afg‘onistondan olib chiqilishi borishi jarayonidan norozi bo‘lganlarini tan olgan. Biroq u “AQSh boshqa bir davlatdan o‘z tarafdorlarini olib chiqqanida” ham Afg‘onistondagi kabi vaziyat takrorlangan bo‘lishi mumkinligini aytgan.
Mavzuga oid
20:59 / 14.10.2024
«Tolibon» OAVda tirik mavjudotlar tasvirini taqiqlashga va’da berdi
20:20 / 14.10.2024
AQShdagi yadroviy obektlar va aviabazalar ustidan sirli dronlar uchib o‘tishni boshladi
19:30 / 14.10.2024
«Tolibon» O‘zbekistondan «Termiz» chegara bozorida musiqa qo‘ymaslikni so‘radi – OAV
16:10 / 14.10.2024