Indoneziyada plastik chiqindilardan qurilgan muzey ochildi

Indoneziyada ekologlar plastik chiqindilardan ochiq osmon ostidagi muzeyni qurishdi. Muzey Gresik shahrida joylashgan bo‘lib, u 3 oy davomida barpo etilgan.

Uni qurishda 10 mingdan ko‘proq plastik chiqindi, jumladan plastmassa butilkalar, paketlar va somonchalardan foydalanilgan. Plastik chiqindilar ifloslangan daryolar va plyajlardan yig‘ilgan.

Muzeyni yaratishdan maqsad odamlarni o‘zlarining odatlarini o‘zgartirib, bir martalik paketlar va butilkalardan foydalanishdan voz kechishga undash hisoblanadi.

“Biz bir martalik plastikdan foydalanishdan to‘xtash uchun odamlarga ma'lumot bermoqchimiz. Bu plastmassalarni qayta ishlash juda qiyin. Bugungi kundan boshlab biz bir martalik plastikdan foydalanishni to‘xtatishimiz kerak, chunki ular oziqa manbayimiz hisoblangan okeanlarimizni ifloslaydi”, deb aytgan muzey asoschisi Prigi Arisandi.

Ta'kidlanishicha, plastmassa muammosi Indoneziyada o‘ta dolzarb hisoblanadi. Mamlakat dengizga tushuvchi plastmassa miqdori bo‘yicha Xitoydan keyin 2-o‘rinda turadi. Filippin va Vetnam bilan birga ushbu ikki davlat hissasiga dunyodagi barcha plastik chiqindilarning yarmidan ko‘pi to‘g‘ri keladi.