O‘zbekistonda talabalar soni yarim milliondan oshdi 

Qo‘mita ma'lumotlariga ko‘ra, 2020/21-o‘quv yili boshiga respublikadagi oliy ta'lim muassasalarida ta'lim olayotgan talabalar soni 571,5 ming kishini tashkil etgan.

Qayd etilishicha, shundan talaba yigitlar soni 311,5 ming nafarga teng bo‘lgan bo‘lsa, talaba qizlar soni 260 ming nafarni tashkil qilgan.

Bundan tashqari, 127ta oliy ta'lim muassasalarining 88tasida talabalar uchun yotoqxonalar mavjud.

Avvalroq, talabalarni o‘z uyiga ijaraga joylashtiruvchi shaxslar daromad solig‘idan ozod etilishi xabar berilgandi.