O‘zbekistonga Xitoydan qariyb 500ta elektromobil olib kelindi

Qo‘mita ma'lumotlariga ko‘ra, 2021 yilning yanvar-sentyabr oylarida O‘zbekistonga 9ta xorijiy davlatdan qiymati 10,5 mln AQSh dollariga teng bo‘lgan 558ta elektromobil import qilingan.

Elektromobil importi o‘tgan yilning mos davri bilan solishtirilganda 476taga yoki qariyb 7 baravarga oshgan.

2021 yilning 9 oyida O‘zbekiston asosan quyidagi davlatlardan elektromobillarni import qilgan:

• Xitoy – 499ta;
• Turkiya – 24ta;
• Litva – 13ta; 
• Germaniya – 8ta;
• AQSh – 6ta;
• Koreya – 5ta;
• Ispaniya – 1ta;
• Rossiya – 1ta;
• Hongkong – 1ta.

2021 yilning sentabr oyida O‘zbekiston xorijdan 57ta elektromobil import qilgan.

Shu bilan birga, O‘zbekistonda sentabr oyidagi elektromobillar xaridi uchun 1,3 mln AQSh dollari sarflangan.