Saakashvili Gruziya chegarasini noqonuniy kesib o‘tgani bo‘yicha sudlanadi

Basilayaning ta'kidlashicha, Saakashvili sud majlisida shaxsan ishtirok etishi noma'lum. U sobiq prezident sudga yetkazilmasligi mumkinligini aytgan.

14 noyabrda Saakashvili davlat mablag‘larini sarflab yuborish bo‘yicha sud majlisiga qo‘yilmagan. Bunday qaror siyosiy partiyalar vakillari sobiq prezidentning turmadan sudga yetkazilishiga xalaqit qilishi mumkinligi xavotiri sababli qabul qilingan.

Saakashvili Ukrainadan Gruziyaga kelgandan keyin 1 oktyabrda hibsga olingandi. U Gruziya chegarasini yashirincha kesib o‘tgan.

Sobiq prezident o‘z vatanida bankir Sandro Girgvlianining o‘ldirilishi va deputat Valeriy Gelashvilining do‘pposlanishi ishlari bo‘yicha 3 va 6 yillik qamoq jazolariga mahkum qilingan. U, shuningdek, 2007 yil 7 noyabrda muxolifat namoyishini tarqatish, “Imedi” telekompaniyasini ostin-ustun qilish va davlat mablag‘larini sarflab yuborish ishlari bo‘yicha ayblanuvchi sifatida o‘tmoqda. Hozirda ushbu ishlar sudda ko‘rilmoqda.