Fransiyalik baliqchilar La-Manshdagi portlarni to‘sib qo‘ymoqchi
Baliqchilar portlardan tashqari, La-Mansh ostidagi tunnelni ham to‘sishadi.
Fransuz baliqchilari Fransiyaning La-Mansh kanalidagi uchta portini Britaniya kemalari uchun to‘sib qo‘yishmoqchi. Bunga Buyuk Britaniya ularga haligacha o‘z hududiy suvlarida baliqchilik qilishga litsenziya bermagani sabab, deb xabar berdi CNN.
Fransiya dengiz baliqchiligi milliy qo‘mitasi norozilik aksiyalari Sen-Malo, Kale va Uistream port shaharlarida o‘tkazilishini ma'lum qildi. Baliqchilar portlardan tashqari, La-Mansh ostidagi tunnelni ham to‘sishadi.
«Bizga sadaqa kerak emas, biz o‘z litsenziyalarimizni qaytarmoqchimiz», — dedi qo‘mita prezidenti Jyerar Romiti.
27 oktyabrda Fransiya agar London La-Mansh suvlarida baliq tutishga to‘sqinlik qilishda davom etadigan bo‘lsa, Buyuk Britaniyaga nisbatan sanksiyalar kiritish bilan tahdid qilgandi.
London may oyida Fransiya baliqchi kemalariga Jyersi oroliga yaqin kelishni taqiqlagandi. Tarixiy jihatdan uning akvatoriyasi Fransiya baliqchilariniki hisoblanadi.
Mavzuga oid
16:19 / 09.10.2024
Britaniya aholisi migrantlar hisobiga so‘nggi 50 yil ichida eng yuqori darajada o‘sdi
13:20 / 04.10.2024
YeI va Britaniya hamkorlik to‘g‘risida kelishib oldi
20:45 / 30.09.2024
Fransiyada Marin Le Pen ustidan sud boshlandi
09:50 / 23.09.2024