Samarqand tumanida sodir bo‘lgan yong‘inda yonma-yon joylashgan uchta xonadonning tom va shift qismi hamda uy jihozlari yonib zararlangan. Bu haqda Favqulodda vaziyatlar vazirligi axborot xizmati xabar bermoqda.
Ma'lum qilinishicha, 2021 yil 6 noyabr kuni soat 07:30 larda Samarqand tumani FVBga tuman “Qoziqo‘rg‘on” MFYda joylashgan xonadonlarda yong‘in sodir bo‘layotgani to‘g‘risida xabar kelib tushgan.
Mazkur xabarga asosan soat 7:42 da voqea joyiga 6 ta yong‘in-qutqaruv ekipaji yetib borgan. Yong‘in soat 8:08 da qurshab olingan va soat 8:58da bartaraf etilgan.
Hodisa oqibatida 3 ta uyning jami 170 metr kvadrat maydonida tom, shift va uy jihozlari yonib zararlangan. Yong‘inda hech kim jabrlanmagan va halok bo‘lmagan. Hozirda yong‘in sababi hamda keltirilgan moddiy zarar miqdori aniqlanmoqda.
