Merkel BMTda ishlash to‘g‘risidagi taklifni rad etdi

Germaniya sobiq kansleri Angela Merkel BMT bosh kotibi Antoniu Guterrishning tashkilotdagi tuzilmalardan birida rahbarlik lavozimini egallash to‘g‘risidagi taklifini rad etdi, deb xabar berdi dpa agentligi.  

Xabarga ko‘ra, sobiq kansler BMT bosh kotibi bilan telefon orqali qilgan muloqotida taklif uchun minnatdorlik bildirgan va uni qabul qilolmasligini aytgan.

Avvalroq OAV Angela Merkelga BMTda global ijtimoiy farovonlik bo‘yicha maslahat kengashi rahbari lavozimi taklif etilgani haqida xabar qilgandi. 

 Angela Merkel 2005 yildan 2021 yilga qadar Germaniya hukumatiga rahbarlik qilgan. 

Lavozimini tark etishidan biroz avval Merkel bundan buyon siyosat bilan shug‘ullanmasligini aytgan.

"Siyosiy nizolarni yechish bilan shug‘ullanmayman – ko‘p yillar davomida bu ish bilan mashg‘ul bo‘ldim. Hozir nima bilan shug‘ullanishimni bilmayman. Ozgina dam olaman, keyin ko‘ramiz", degan u.