Qoʻshimcha funksionallar
-
Tungi ko‘rinish
Andijon shahrida xorijiy davlatga ishga yubormoqchi bo‘lgan MChJ rahbari ushlandi
Muqaddam firibgarlik jinoyati uchun sudlangan “L.H.” MChJ rahbari bir necha fuqaroni chet elga yuborishini aytib, pul talab qilgan.
Foto: Prokuratura departamenti
Bosh prokuratura huzuridagi Departament hamda IIBning Andijon viloyati boshqarmalari tomonidan o‘tkazilgan tezkor tadbirda, muqaddam firibgarlik jinoyati uchun sudlangan “L.H.” MChJ rahbari A.T. fuqaro R.dan uni Polsha davlatiga yuk tashish avtomashina haydovchiligi vazifasiga ishlash uchun tanishlari orqali ishga yuborishni 3 500 AQSh dollariga kelishib, shundan 1 500 AQSh dollarini olgan vaqtida ashyoviy dalillar bilan ushlangan.
Shuningdek, tergovga qadar tekshiruv davomida, MChJ rahbari A.T. muqaddam fuqaro M.X. va boshqalarni xorijiy davlatlarga ishga yuborishga ishontirib, ularning jami 4 200 AQSh dollarini firibgarlik yo‘li bilan qo‘lga kiritganligi aniqlangan.
Mazkur holat yuzasidan Jinoyat kodeksining 168-moddasi (firibgarlik) va 28,211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
12:21
Andijonda bozor rastasi quladi: tadbirkorlardan biri jarohat oldi
22:08 / 13.12.2025
Andijon va Samarqandda kuchli ta’sir qiluvchi dorilar savdosi bilan shug‘ullangan shaxslar ushlandi
08:25 / 11.12.2025
Andijonda 3 kilogrammga yaqin «gashish» bilan qo‘lga tushgan jinoiy guruh fosh etildi
21:59 / 09.12.2025