To‘rt mamlakat prezidentlari Kiyevga boradi 

Yevroittifoqning to‘rt mamlakati prezidentlari Ukraina poytaxtiga boradi, deb xabar berdi “Onado‘lu” agentligi.

Polsha prezidenti Anjyey Duda devonxonasining ma’lum qilishicha, Kiyevga u bilan birga Litva, Latviya va Estoniya rahbarlari Gitanas Nauseda, Egils Levits va Alar Karis boradi.

Ular Ukraina poytaxtida prezident Vladimir Zelenskiy bilan uchrashuv o‘tkazadi.

«Siyosiy va harbiy yordam to‘g‘risidagi xabar bilan Kiyevga yo‘ olyapmiz. Litva Ukrainaning o‘z ozodligi uchun kurashini qo‘llab-quvvatlashda davom etadi», - deb yozdi Litva rahbari Twitter sahifasida.

Avvalroq Buyuk Britaniya bosh vaziri Boris Jonson, Avstriya kansleri Karl Nehammer Ukrainaga tashrif buyurib, Zelenskiy bilan uchrashgandi.