«Ochiq budjet» tashabbuslarini amalga oshirish onlayn nazorat ostida bo‘ladi 

Axborot portalida ro‘yxatdan o‘tgan tashabbuskor fuqarolar mazkur bo‘limda g‘olib deb topilgan takliflar ijrosini bevosita kuzatish hamda amalga oshirilgan ishlar yuzasidan matn yoki fotosurat ko‘rinishida izoh yuklash imkoniyatiga ega bo‘ladi.

Moliya vazirligi xabariga ko‘ra, endilikda loyihalarning amalga oshirilishi bevosita fuqarolar tomonidan baholab boriladi hamda ushbu ovozlar natijasiga ko‘ra «Hududlar reytingi» e’lon qilinadi.

Davlat xarajatlarining shaffofligini ta’minlash va mahalliy budjetlarni taqsimlash bo‘yicha fuqarolardan takliflarni qabul qilish maqsadida 2021 yil iyul oyidan «Ochiq budjet» portalining yangilangan versiyasi ishga tushirildi.

Aholi «Ochiq budjet» portali orqali o‘z shikoyat va tashabbuslarini bildirgan holda budjetni taqsimlashda ishtirok etishi mumkin. Eng ko‘p ovoz to‘plagan takliflar budjetdan moliyalashtiriladi.