O‘zbekistonga eng ko‘p turistlar qaysi davlatdan kelayotgani ma’lum qilindi
O‘zbekistonga aprel oyida necha nafar turist kelgani va eng ko‘p tashrif qaysi davlatdan ekani to‘g‘risida ma’lumot berildi.
Davlat statistika qo‘mitasi xabariga ko‘ra, 2022 yilning aprel oyida 269,2 ming nafar chet el fuqarolari turistik maqsadlarda O‘zbekistonga tashrif buyurgan.
Qayd etilishicha, bu ko‘rsatkich o‘tgan yilning mos davri bilan solishtirilganda 181,4 ming nafarga yoki 3,1 baravarga oshgan.
O‘zbekistonga aprel oyida turistik maqsadda tashrif buyurgan fuqarolarning eng ko‘p qismi Qozog‘istondan kelgan – 81,2 ming nafar.
Keyingi o‘rinlardan mos ravishda 69,9 ming nafar va 69,1 ming nafar turist kirib kelgan Tojikiston hamda Qirg‘iziston joy oldi.
Ushbu ko‘rsatkich qolgan davlatlar kesimida quyidagicha ko‘rinishga ega:
Rossiya – 29,3 ming nafar;
Turkiya – 4,5 ming nafar;
Germaniya – 1,4 ming nafar;
Fransiya – 1,2 ming nafar;
Belarus – 1,2 ming nafar;
Koreya – 900 nafar;
Buyuk Britaniya – 800 nafar;
Ispaniya – 700 nafar;
AQSh – 700 nafar;
Italiya – 500 nafar.
Bundan oldin Rossiya O‘zbekistonda xorijiy korxonalar soni bo‘yicha hamon yetakchilik qilayotgani xabar berilgandi.
Mavzuga oid
12:40 / 16.09.2024
Misrda xorijiy turistlar bo‘lgan avtobus YTHga uchradi
07:25 / 05.09.2024
O‘zbekistonliklar turistik maqsadda qaysi davlatlarga ko‘proq borgani aytildi
14:47 / 03.09.2024
Turoperatorlarga turistlarni jalb qilish uchun imtiyozli mablag‘lar ajratiladi
10:08 / 02.09.2024