Referendum to‘g‘risidagi qonunga o‘zgartishlar kiritilmoqda

Oliy Majlis Qonunchilik palatasi 11 iyungi majlisida «O‘zbekiston Respublikasining referendumi to‘g‘risida»gi qonunga o‘zgartirishlar kiritishni nazarda tutuvchi qonunni uch o‘qishda qabul qildi.

Palata matbuot xizmati xabariga ko‘ra, o‘zgartishlar – Saylov kodeksiga so‘nggi yillarda kiritilgan o‘zgartishlar bilan bog‘liq.

“Referendum o‘tkazuvchi komissiyalar vakolatlarini aniqlashtirish, komissiyalar qarorlari yuzasidan berilgan shikoyatlarni ko‘rib chiqish, kuzatuvchilarning huquqlarini kengaytirish va boshqa bir qator tuzatishlar kiritish nazarda tutilgan”, deyiladi xabarda.

Qonunga kiritilayotgan o‘zgartirishlar matni e’lon qilinmadi – ko‘plab holatlarda fuqarolar yangi qonunlarning matnidan ular imzolanib bo‘lganidan keyin xabar topmoqda.