Sadoqat Siddiqova oliy ta’lim vaziri o‘rinbosari etib tayinlandi

Oliy ta’lim vazirligi xabariga ko‘ra, Sadoqat Siddiqova mazkur tayinlovga qadar Buxoro shahridagi “Ishga marhamat” monomarkazi direktori lavozimida faoliyat yuritib kelgan.

Qayd etilishicha, Sadoqat Siddiqova 2018 yilda “Shuhrat” medali bilan taqdirlangan.

Shuningdek, vazirlik tuzilmasida professional ta’lim muassasalari faoliyatini muvofiqlashtirish departamenti ham tashkil etilmoqda.

Bundan oldin 45 ta kollej o‘rnida monomarkazlar tashkil etilishi xabar berilgandi. 

Yangi tizimga ko‘ra, 45 ta kollej Bandlik vazirligi tizimiga o‘tkazilib, ularning o‘rnida monomarkazlar tashkil etiladi. 

Oliy ta’lim vazirligi barcha kasb-hunar maktablari va texnikumlarni boshqarish va metodik ta’minlashga mas’ul bo‘ladi.