AQShda yil boshidan buyon 400ta ommaviy otishma holatlari qayd etildi 

AQShda 2022 yil boshidan buyon ommaviy otishma holatlari soni 400taga yetdi, deb xabar berdi Gun Violence Archive.

"AQShda to‘rt nafardan ortiq odam yaralangan yoki o‘lgan otishmalar soni 400taga yetdi", - deyiladi xabarda.

Oxirgi dam olish kunlarining o‘zida turli shtatlarda yettita ommaviy otishma holati qayd etilgan.

Qurolli zo‘ravonlik muammosi may oyidagi ikki fojiadan so‘ng hukumat e’tiborini tortdi: Buffalodagi supermarketga qilingan qurolli hujum oqibatida 10 kishi halok bo‘ldi va Yuvalddagi boshlang‘ich maktabda jinoyatchi 19 o‘quvchi va 2 o‘qituvchini otib o‘ldirdi.  

Iyun oxirlarida prezident Jo Bayden qurol savdosini qat’iylashtirish to‘g‘risidagi qonunni imzoladi.