Qozog‘istonda YTH oqibatida O‘zbekiston fuqarosi halok bo‘ldi

Yo‘l-transport hodisasi 6 avgust kuni Aqto‘be – Astraxan trassasida sodir bo‘lgan.

Diapazon nashrining yozishicha, Lada Largus rusumli avtomashinaning 42 yoshli haydovchisi Aqto‘be - Astraxan avtomobil yo‘lining 284-kilometrida yo‘l ishlari olib borilayotgan yo‘l qismiga chiqib ketib, chetga borib urilgan va ag‘darilib ketgan.

Yo‘l-transport hodisasi oqibatida ikki nafar yo‘lovchi, O‘zbekiston Respublikasi fuqarolari Bayganin tumani markaziy shifoxonasiga yotqizilgan.

Ulardan biri hushiga kelmay, shifoxonada vafot etgan.